MEIKANDAR INSTITUTE &
SPIRITUAL SCHOOL OF LEARNING

chulinks.in




This part of web page is available as android app

* We need to pay for the server
* For operation we need funds
* Cosider helping us
* Support us by making a donation
* Donation allows us to work for you
* Donate via Paypal  


    1.135 திருப்பராய்த்துறை
    பண் - மேகராகக்குறிஞ்சி

    இத்தலம் சோழநாட்டிலுள்ளது.
    சுவாமிபெயர் - பராய்த்துறைநாதவீசுவரர், தேவியார் - பொன்மயிலாம்பிகையம்மை.
    1448 நீறுசேர்வதொர் மேனியர்நேரிழை
    கூறுசேர்வதொர் கோலமாய்ப்
    பாறுசேர்தலைக் கையர்பராய்த்துறை
    ஆறுசேர்சடை அண்ணலே. 1.135.1
    1449 கந்தமாமலர்க் கொன்றைகமழ்சடை
    வந்தபூம்புனல் வைத்தவர்
    பைந்தண்மாதவி சூழ்ந்தபராய்த்துறை
    அந்தமில்ல அடிகளே. 1.135.2
    1450 வேதர்வேதமெல் லாமுறையால்விரித்
    தோதநின்ற ஒருவனார்
    பாதிபெண்ணுரு ஆவர்பராய்த்துறை
    ஆதியாய அடிகளே. 1.135.3
    1451 தோலுந்தம்மரை யாடைசுடர்விடு
    நூலுந்தாமணி மார்பினர்
    பாலும்நெய்பயின் றாடுபராய்த்துறை
    ஆலநீழல் அடிகளே. 1.135.4
    1452 விரவிநீறுமெய் பூசுவர்மேனிமேல்
    இரவில்நின்றெரி யாடுவர்
    பரவினாரவர் வேதம்பராய்த்துறை
    அரவமார்த்த அடிகளே. 1.135.5
    1453 மறையுமோதுவர் மான்மறிக்கையினர்
    கறைகொள்கண்ட முடையவர்
    பறையுஞ்சங்கும் ஒலிசெய்பராய்த்துறை
    அறையநின்ற அடிகளே. 1.135.6
    1454 விடையுமேறுவர் வெண்பொடிப்பூசுவர்
    சடையிற்கங்கை தரித்தவர்
    படைகொள்வெண்மழு வாளர்பராய்த்துறை
    அடையநின்ற அடிகளே. 1.135.7
    1455 தருக்கின்மிக்க தசக்கிரிவன்றனை
    நெருக்கினார்விர லொன்றினால்
    பருக்கினாரவர் போலும்பராய்த்துறை
    அருக்கன்றன்னை அடிகளே. 1.135.8
    1456 நாற்றமாமல ரானொடுமாலுமாய்த்
    தோற்றமும் மறியாதவர்
    பாற்றினார்வினை யானபராய்த்துறை
    ஆற்றல்மிக்க அடிகளே. 1.135.9
    1457 திருவிலிச்சில தேரமண்ஆதர்கள்
    உருவிலாவுரை கொள்ளேலும்
    பருவிலாலெயில் எய்துபராய்த்துறை
    மருவினான்றனை வாழ்த்துமே. 1.135.10
    1458 செல்வமல்கிய செல்வர்பராய்த்துறைச்
    செல்வர்மேற் சிதையாதன
    செல்வன்ஞான சம்பந்தனசெந்தமிழ்
    செல்வமாமிவை செப்பவே. 1.135.11

    திருச்சிற்றம்பலம்